Здружението за поддршка на маргинализирани работници СТАР-СТАР Скопје на ден 23.04.2024 година, објавува Јавен повик за избор на експерт за стратешки комуникации кој ќе го фасилитира процесот за развој на Комуникациска стратегија за периодот 2024-2025 на Здружението за поддршка на маргинализирани работници СТАР-СТАР Скопје.
ВОВЕД
Здружението за поддршка на маргинализирани работници СТАР-СТАР Скопје е граѓанска, непартиска и непрофитна организација, колективно предводена од сексуални работници и претставува прв и единствен колектив од таков облик кај нас. СТАР-СТАР се залага за свет без насилство во кој жените, трансродовите и мажите сексуални работници вклучени во доброволната сексуална работа слободно живеат и работат, а почитувањето на нивните основни човекови права и слободи, се водечки принципи на демократско и праведно општество. При тоа, СТАР-СТАР ги мобилизира сексуалните работници за нивно активно учество во процесите на креирање политики и пракси кои ја третираат сексуалната работа.
Оваа активност се спроведува во рамки на стратешките програмски определби на организацијата согласно Стратешкиот план за периодот 2022-2025, со поддршка од фондацијата Red Umbrella Fund.
ОПИС НА ЕКСПЕРТСКИТЕ УСЛУГИ
Експертот за стратешки комуникации ќе треба да го фасилитира развојот на Комуникациската стратегија за периодот 2024-2025 и при тоа да развие и спроведе методологија за работа со временска рамка во согласност со потребите и приоритетите на организацијата и заедницата на сексуални работници.
РАБОТНИ ЗАДАЧИ НА ЕКСПЕРТОТ
Ангажираниот експерт ќе ги има следниве работни задачи:
- Планирање и развој на Комуникациска стратегија за периодот 2024-2025, каде ќе бидат предвидени консултативни средби со управните и извршните тела, вработените и ангажираните лица;
- Подготовка и спроведување на две еднодневни работилници за развој на Комуникациска стратегија за периодот 2024-2025 со номинирана работна група од организацијата (втора половина на мај 2024 година), и
- Подготовка на предлог и финална верзија на Комуникациска стратегија за периодот 2024-2025.
Ангажираниот експерт, работниот ангажман ќе го извршува во соработка со номинирано лице од Здружението за поддршка на маргинализирани работници СТАР-СТАР, а по потреба и со останати ангажирани лица од организацијата, во и вон канцеларијата на организацијата, користејќи алатки и платформи за работа на далечина.
ИНФОРМАЦИИ ЗА АНГАЖМАНОТ
За работниот ангажман е предвиден еднократен хонорарен надомест во БРУТО износ од 500 евра во денарска противвредност по курс утврден по прием на средствата од страна на донаторот, а врз основа на авторски договор за експертски услуги.
Краен рок за спроведување на работниот ангажман е 15.06.2024 година.
КВАЛИФИКАЦИИ И КРЕТИРИУМИ ЗА ИЗБОР
Експертот треба да ги поседува следниве квалификации и вештини:
- Експертиза од областа на стратешки комуникации;
- Искуство како фасилитатор на процеси за развој на комуникациски стратегии за граѓански организации;
- Способности за планирање и организација и навремено исполнување на зададените задачи.
Предност ќе имаат кандидатите со:
- Искуство или познавања од областа на правата на сексуалните работници или останати маргинализирани заедници во Република Северна Македонија.
ПОТРЕБНИ ДОКУМЕНТИ ЗА АПЛИЦИРАЊЕ
Кратко писмо за интерес кое вклучува:
– Опис на искуството, квалификациите и вештините потребни за ангажманот и
– Кратка предлог методологија за работа со временска рамка за развој на Комуникациската стратегија за периодот 2024-2025.
НАЧИН НА АПЛИЦИРАЊЕ
Документите со назнака на пораката Јавен повик – експерт за стратешки комуникации да се достават на двете електронски пошти: star.contact@yahoo.com и micov@starsexwork.org најдоцна до 26.04.2024 година до 16:00 часот. Нецелосните пријави и пријавите пристигнати по крајниот рок нема да бидат разгледувани. Сите апликанти ќе бидат известени за резултатите од селекцијата по електронски пат, најдоцна до 30.04.2024 година до крајот на работниот ден.