Првиот колектив на сексуални работници на Балканот – СТАР-СТАР, се вклучува во борбата за еднакви права на жената, по повод одбележувањето на 8 ми март. СТАР-СТАР има една заедничка цел, а тоа е унапредување и промоција на правата на сексуалните работници во Република Северна Македонија.
Заедницата на сексуални работници и оваа година се приклучува кон Маршот на женски права, со цел да даде поддршка во борбата на жените за родова еднаквост, еднакви права, слобода и солидарност.
Сите граѓани на Република Северна Македонија, без разлика на родовата припадност и избор на професија имаат право на:
- на живот, слобода и сигурност;
- на слобода на движење и живеалиште;
- на приватност и семејство;
- на работа, на слободен избор на работното место и на праведни и поволни работни услови;
- на здравје;
- на мирни собири и здружувања;
- јавна вклученост;
- заштита од секаков вид на дискриминација;
- еднакви можности во сите сфери на живеењето.