СТАР – Првиот колектив на сексуални работници на Балканот, во рамки на Акцискиот план за заедницата насловен „Подигнување на јавната свест за сексуалната работа и превенцијата од ХИВ“ креираше пакет стикери за апликациите Viber и WhatsApp.
Со интересниот и едноставен дизајн, стикерите пренесуваат важни пораки поврзани со сексуалната работа и заштитата од ХИВ и имаат за цел да го привлечат вниманието на јавноста преку испраќање на стикерите на овие социјални мрежи.
Акцискиот план „Подигнување на јавната свест за сексуалната работа и превенцијата од ХИВ“ е поддржан од Меѓународниот комитет за правата на сексуалните работници во Европа (ICRSE – International Committee on the Rights of Sex Workers in Europe), а дизајнот на стикерите го изготви Горан Костовски – Индог, во консултации со заедницата на сексуални работници/-чки.
Пакетот стикери се достапни за апликациите Viber и WhatsАpp на Android и iOS оперативните системи.
За симнување и користење на пакетот стикери за Viber:
- Потребно е да кликнете на S-work is work Viber Stickers;
- Потоа, од Sticker Market со едноставно кликнување на FREE DOWNLOAD, стикерите ќе се инсталираат на Вашата Viber апликација.
- За крај, пратете ги стикерите на Вашите пријатели и колеги во знак на поддршка на сексуалната работа и подигање на свеста за ХИВ.
За симнување и користење на пакетот стикери за WhatAapp:
- Потребно е да кликнете на S-work is work WhatsApp Stickers
- Потоа, кликнете на опцијата INSTALL STICKERS, по што ќе Ви биде понудено да ја инсталирате помошната апликација Sticker Maker на Вашиот уред.
- Откако ќе ја инсталирате апликацијата Sticker Maker, таа ќе се отвори и ќе Ви ја понуди опцијата ADD TO WHATSAPP, со што стикерите ќе се инсталираат на Вашата WhatsApp апликација.
- За крај, пратете ги стикерите на Вашите пријатели и колеги во знак на поддршка на сексуалната работа и подигање на свеста за ХИВ.