“Од Нас за Нас “слави 50-то издание!

]Горди сме што стигнавме до педсетиот број на изданието “ Од Нас за Нас ”, месечник кој неколку години наназад е препознаен од заедницата како алатка за информирање , едуцирање и забава од областа на сексуалната работа. Педесет изданија кои пренесуваа пораки и едуцираа сексуални работници не само во Скопје туку и низ цела Македонија, ние сме среќни за секој еден весник кој стигнал во рацете на сексуален работник, за секоја една статија прочитана од вас.

Приказната започнува во Октомври 2008 година кога и всушност е излезен првиот број на Од Нас за Нас , како идеа за зближување на едни со други, споделување на искуства, едукација, настани и стории во областа на сексуалната работа.
Од Нас за Нас во годините наназад полека прерасна во бренд помеѓу сексуалните работници, многумина од нив допринесоа за крајниот лик и содржина на овој наш заеднички продукт !
Секогаш се раѓаа нови идеи, и тогаш кога сексуален работник посака да се најде насловна страна на весникот… Така започнавме со редовни интервјуа на лица од нашата заедница. Содржината и ликот се менуваа во текот на годините преку идеите, креативноста но и критиките кој доаѓаа од самата заедница.
Во месеците наназад беа присутни и критиките, но тоа нас посебно не радуваше како показател дека весникот стига до сексуалните работници и е читан, тоа е она што нас не прави среќни.
Од Нас за Нас и понатаму ќе продолжи да биде информатор за целата заедница на сексуални работници како во Скопје така и во Македонија, отворен за промени со основна цел преку забава да стигнеме до едукација и информирање до секој сексуален работник !!!