Се одржа Маршот на женски права, по повод одбележувањето на 8ми март, под слоганот: Ти не си виновна! Стотици активисти, граѓани, жени, студенти, сексуални работници маршираа во центарот на Скопје за поддршка на жените жртви на родово базирано насилство.
СТАР-Првиот колектив на сексуални работници, како и секоја година се приклучи на маршот носејќи црвени чадори, со цел да дадеме поддршка на сите жени вклучувајќи ги и сексуалните работнички, без разлика на нивната професија, сексуална ориентација и родова припадност, за ставање крај на насилството, за родова еднаквост, еднакви права, слобода и солидарност.
Маршот започна од плоштадот Филип Втори, преку Камениот Мост, Плоштад Македонија до Паркот Жена Борец, каде што беше изведен музички перформанс за поддршка на жените жртви на насилство.
