СТАР – Првиот Колектив на Сексуални Работници на Балканот, организираше хуманитарна онлајн аукција „Акција за реакција“ на донирани дела за помош и поддршка на сексуалните работници во време на криза предизвикана од КОВИД-19. Хуманитарниот онлајн настан кој траеше од 02.06.2020 – 15.06.2020 год., беше организиран по повод одбележувањето на 2-ри јуни – Меѓународниот ден на сексуалните работници, со цел собирање на финансиски средства кои ќе бидат наменети за помош и поддршка на сексуалните работници и нивните семејства, најчесто многудетни и на самохрани мајки.
Хуманитарната аукција беше организирана онлајн на Фејсбук профилот на СТАР: https://www.facebook.com/starsexwork/. На хуманитарната аукција, учество земаа 19 автори/здруженија, а 15 лица донираа финансиски средства преку наддавање за омилените делa.
Изразуваме најискрена благодарност до следниве автори на дела:
Дизајнерите Индог – Горан Костовски, Ирина Тошева, EMANU, модната куќа LUDUS, The Red Edition – Sex Work Migrant Group, писателите Петар Андоновски и Румена Бужаровска, книжара „Полица“, уметничката Roxenn, Здружение ХОПС – Опции за здрав живот Скопје преку нивната креативна акција за општествени промени #реупотребигоумот, галерија „Леонардо“, фотографките Ерина Богоева, Лилика Стрезоска, Елена Фиданска, Ирена Мила и Анита Березњак, уметничките Јана Јакимовска и Катерина Димитровска и фотографот Влатко Деков, кои донираа свои дела и придонесоа за успешна реализација на хуманитарната аукција.
На хуманитарната онлајн аукција „Акција за реакција“ беа собрани вкупно 34.600 денари. Собраните финансиски средства ќе бидат наменети за помош и поддршка на сексуалните работници и нивните семејства кои се наоѓаат во исклучително тешка состојба поради КОВИД-19 пандемијата. Им се заблагодаруваме на сите оние кои наддаваа на аукцијата и донираа за сексуалните работници.
Во духот на транспарентноста и јавната отчетност, ги објавуваме продадените дела за време на хуманитарната аукција „Акција за реакција, и износот на донираните средства:
| Бр. | Автор на делото | Опис на делото | Донирани средства |
| 1. | Горан Костовски – Индог | „Celebrate Life“ дуксер |
2500 денари |
| 2. | Горан Костовски – Индог | „Celebrate Life“ дуксер |
2500 денари |
| 3. | Ирина Тошева | Дизајнирана маица „СИМПА ТИ + ЈА“ |
1800 денари |
| 4. | Модна куќа LUDUS | Асиметричен фустан од колекцијата „Devoid“ | 1650 денари |
| 5. | Модна куќа LUDUS | Асиметричен фустан од колекцијата „Devoid“ | 4000 денари |
| 6. | The Red Edition – Sex Work Migrant Group | Дизајнирана маица за Europe Pride „Sex work is real work“ | 500 денари |
| 7. | The Red Edition – Sex Work Migrant Group | Дизајнирана маица за Europe Pride „Sex work is real work“ | 400 денари |
| 8. | The Red Edition – Sex Work Migrant Group | Дизајнирана маица за Europe Pride „Respect sex workers“ | 700 денари |
| 9. | The Red Edition – Sex Work Migrant Group | Дизајнирана маица за Europe Pride „Respect sex workers“ | 600денари |
| 10. | Петар Андоновски | Комплет од три книги: „Страв од варвари“,„Очи со боја на чевли“ и „Тело во кое треба да се живее“ | 1600 денари |
| 11. | Румена Бужаровска | Збирка раскази „Не одам никаде“ | 400 денари |
| 12. | Румена Бужаровска | Збирка раскази „Чкртки“ | 650 денари |
| 13. | Румена Бужаровска | Збирка раскази „Мојот маж“ | 500 денари |
| 14. | Книжара „Полица“ | Комплет од три книги „Крајот на Еди“, „Историја на насилството“ и „Ние децата од железничката станица „ЗОО““ | 2000 денари |
| 15. | Книжара „Полица“ | Книга „Крајот на Еди“ | 500 денари |
| 16. | Книжара „Полица“ | Книга „Историја на насилството“ | 500 денари |
| 17. | Книжара „Полица“ | Книга „Историја на насилството“ | 600 денари |
| 18. | Roxenn | Рачно изработена лампа „The desired fish“ | 3000 денари |
| 19. | Галерија „Леонардо“ | Уметничка слика „Девојката со ружа“ | 1200 денари |
| 20. | Ерина Богоева | Изложбена фотографија „Catch“ | 700 денари |
| 21. | Ерина Богоева | Изложбена фотографија „Небото над ГТЦ“ | 1000 денари |
| 22. | Лилика Стрезоска | Изложбена фотографија „Две од оние“ | 2000 денари |
| 23. | Елена Фиданска | Изложбена фотографија „Две од оние“ | 2000 денари |
| 24. | Ирена Мила | Изложбена фотографија „Две од оние“ | 2000 денари |
| 25. | Влатко Деков | Врамена фотографија „Жена“, од фото проектот Прага | 1300 денари |
СТАР-Првиот Колектив на Сексуални Работници на Балканот, во име на заедницата и духот на солидарноста, испраќа благодарност до сите физички и правни лица кои дадоа значаен придонес кон реализација на оваа аукција.
До следно наддавање и подобри времиња надвор од пандемија.
Во прилог официјалниот извештај: